فـوبـيـا الـعـيـن

اهلين ..

مسائكم خير << ماشاء الله

بما أن هالاجازه طويله وتعرفون الاشغال كثيره

خفت أنسى صديقاتي ..

 المهم كلمتهم على اساس نطلع لمكان يصلح للكل >> مشكلة البنات دائما و أبدا

كلمت الاولى مسافره

الثانيه عندهم زواج

الرابعه قالت انا في ( ام الدنيا )   <<  مصطلح لديهم يطلق على الخرج  

قلت مااااااااا فيه الا فلانه أن شاء الله تطلع معي .. وفعلا كانت الموافقه ..

المهم  فلانه هذي حلوه وطيوبه وحليله بس لا تجيبون طاري عين و وبعد كل كلمه قولي ( ماشاء الله  ) 

يعني مثلا مثلا .. كيف الحال ماشاء الله ؟؟ متغيره ماشاء الله .. صايره شينه ماشاء الله ..

المهم جلسنا وسولفنا وجاء وقت العشاء طلبنا وكنت انا الي اطلب واعلي صوتي لاني بعيده

شوي الا كوع جاي بظهري ..

 والتفت الا انها اهي تهوش وش هالعشاء الي كل العالم عرفوه ..

طبعا بما اني اعرف نقطه الضعف عندها رجعت اعيده مره ثانيه بصوت اعلى <<< نذاله

يعني ما يأكل الا حنا ..

 المهم طلع العشاء المشؤوم من بدايته بالنسبها لها .. واختارت اخر طاوله بالزاويه ..

وحنا نتعشى رمت الساندويش على الطاوله وقفت عن الاكل وش فيك وش بلاك ؟؟

قالت العامله له ساعه تناظرني .. وفعلا العامله كانت تناظرها باستغراق .. بس واضح شكلها ساهيه تفكر ..

قمت واشرت للعامله بيدي المره الاولى ما انتبهت الثانيه نفس الشي يالله الرابعه ..

يوم ناظرت ناديتها قلت تعالي وجلستها معنا قدمت لها من العشاء ما بغت << اول مره بحياتي اعرف الزم على احد

سالتها وش فيك صارت المسكينه توها جايه من الهند وتفكر في عيالها .. التفت على فلانه و قلت كل على همه سرا ..

طبعا كنت مرررره حاقده عليها لان هالطلعه كانت مررره شينه كئيبه ممله كلها لا تضحكين لا تركضين لا تلعبين هذي تناظر ما ادري ايش ..

فقلت هذي فرصتي اشرت عليها وقلت للعامله شفتي هذي من جينا وهي تاكل هذي ثالث وجبه تاكلها

طبعا عصبت وقامت .. وراضينها

ونبهتها انه هالشئ ينافي التوكل :/ وانك ماراح ترتاحين في حياتك ..

وعلى طاري العين ..

 قبل فتره سافرت وحده لكندا وما علمت احد .. المهم انها اول ما وصلت طاحت بالمطار وانكسرت << الله يعافي المبتلاء

المهم الناس ما عرفوا الا يوم انكسرت خلاص قالوا انه انكسرت وانه بالمستشفى .. طبعا العين اقرب شماعه لها

بس شلون .. هي انكسرت خلاص .. يمكن عين مسبقه الدفع

سبحان الله وين الايمان بالقضاء والقدر وين التوكل ..

طبعا هذي فئه بسيطه بالمجتمع احساسي انهم يعيشون في كائبه وحزن دائم

اللهم لك الحمد يكفيني راحه كلما تذكرت ( من توكل على الله كفاه )

يالله الله يعافي المبتلاء ولا تبلانا 

 اترككم بخير ..

و كل واحد يذكر الله اذا دخل المدونه اخاف اجي ادورها بكره ما القاها

 

.

لمـــاذا عزف منفرد ؟؟

عزف منفرد
هو حكاية صمت تعانق مسامع الذكرى
هو شعاع الشمس تحت ألواح الظلام !!
هو حديث النفس ….
عزف منفرد
هو عندما تكون الكلمات مجرد أنغام !
تنثر الأمل في حقول الأسى
أنغام تثير في رأس عقولنا حقيقة الزمن
عزف منفرد
هو فلسفة الهمسات 
 إذن هي رحله داخل النفس
لقراءة ( مشاعر ) لم تظهر !!
كل منا يحتاج رحيل الى داخل الروح
لكي ننبش ما مضى بداخلها !

مسائكم سكر واكثــر …

مُــتــنــفـس

 

مدونتي بل متنفسي ..

افتتحتها بعد اختناقي من عالمي مؤخرا..

اختناقي يزداد .. واننيني لم يتوقف .. وجسدي يرتعش

كم هو مؤلم حين يتحول كل ما مضى الى شهقات متقطعه تنازع طلوع الروح ..

قد تكون تلك الشهقات معكم اخف

فأهلا بكم

.

.